PHANELE YA BOELETŠI KA GA THEKENOLOTŠI YA DIPOLELO TŠA BATHO
Ka la Setemere 2000 Komiti ya Ketapele e feditše mošomo wa yona mme ya dira pegotlhalošo go Khuduthamaga ya Lekgotla la Dipolelo ka moka la Afrika Borwa ka Oktoboro 2000. Pego e ile ya amogelwa mme gwa dirwa tšhišinyo yeo e hlakanetšwego ke Lekgotla la Dipolelo Kamoka la Afrika Borwa le ba Tirelo ya Bosetšhaba ya Dipolelo go Letona la tša Bokgabo, Setšo, Saense le Thekenolotši gore a tšwele pele ka ditšhišinyo tšeo. Karabong ya gagwe, Letona Ben Ngubane o ile a fa Phanele ya Boeletši bja Thekenolotši ya Dipolelo tša Batho mošomo wa go senka tšeo di ka hlolwago ke seo le ditshenyegelo tša maiteko a go tšweletša thekenolotši ya dipolelo tša batho mono Afrika Borwa.
Molaodi Pharephare wa Kgoro ya Bokgabo, Setšo, Saense le Thekenolotši, Ngaka Rob Adam o bona se bjalo ka -
maitekelo ao a hlohleletšegilego go bopa bokgoni ka go Thekenolotši ya Dipolelo tša Batho le go diriša thekenolotši go godiša dipolelo tšeo di fapanego le go potlakiša tšweletšo ya dipolelo tša setšo tšeo di phaetšwego thoko."
MALOKO A PHANELE
BONGWALEDI
PONELOPELE
Ponelopele ye kgolo ya Phanele ya Boeletši ke go hlama ditlabelotirišwa tša maleba tša tšweletšo ya Thekenolotši ya dipolelo tša batho mono Afrika Borwa yeo e tla kgontšhago tšweletšo ya thekenolotši ya tirišo ya polelo le dipolelo tša semmušo ka moka tšeo di šomišwago go -
I phethagatša dinyakwa tša badudi maemong ka moka a go fapana mo go tšweletšeng ga Setšhaba sa Tshedimošo yeo e iponatšago ka go mafapha a go swana le pušo, thuto le khomese, bjalo bjalo, le
II go thiba sekgoba seo se bulwago ke titšitale digital mme naga ye ya se šalele morago go tša tšweletšo lefapheng la Thekenolotši ya Tshedimošo le Dikgokagano.
Phanele e rata go ka hlama ditlabelotirišwa tšeo di tlago thuša go hlaola ditlapele tša bosetšhaba mme tša kgontšha ditiragatšo tša ditlapele tšeo. Go ya ka dikakanyo, ditlabelotirišwa tšeo di tla kopantšha maitekelo a mehuta ye megolo ye meraro ya bakgathatema:
i Mmušo wa bosetšhaba bjalo ka beng ba dipolelo tša semmušo, go tee le mebušo ya porofense le ya selegae le diparaseteitale bjale ka bašomiši ba mafelelo ba ditšweletšwa tša dipolelo tša go fapana tšeo di lebantšitšego kabelo ya ditirelo. Seo e tla ba kgodišo ya tsela ya maitekelo ya mmušo wa bosetšhaba go direla badudi ka dipolelo tša bona ka eleketroniki;
ii Lefapha la praebete ka bophara bja lona bjalo ka batšweletši le bašomiši ba bofelo ba ditšweletšwa tša eleketroniki tšeo di angwago ke dipolelo le polelo;
iii Ba tša thuto le makalatiro a thekgo ya ditšhelete ao a rwelego maikarabelo a dinyakišišo, tšweletšo le kgodišo ya bokgoni bja batho mo lefapheng la Thekenolotši ya Dipolelo tša Batho.
Phanele e ikemišeditše gore mafelelong e tšweletše intaseteri ya Thekenolotši ya Dipolelo tša Batho mono Afrika Borwa ya go swana le yeo e lego gona Yuropa ya Dipolelo tšeo di fapanego, fela e nyenyefaditšwe mme ya lekana sebopego sa dinyakwa tša mono gae. Phanele e swanetše go hlagiša pego ya yona ka Agosetose 2002.
TSELA YA TIRAGATŠO
Phanele e tla kopana kgafetšakgafetša mme e tla hlaola bakgathatema mo nakong yeo e dumelelegago. Mahlakore ao a nago le kgahlego a mengwa go ikopanya le Mokgokaganyi nakong ye nngwe le ye nngwe go hwetša tshedimošo ka botlalo.
DITABA
DIKGOKAGANO
Mafelo ao a amanago le Thekenolotši ya Dipolelo tša Batho
Motheo wa Tšweletšo ya Thekenolotši ya Polelo le Dipolelo ya Afrika Borwa
Sehlopha seo se Ikgethago sa Kgahlego ya Thekenolotši ya Polelo le Dipolelo sa ALASA
Boditšhabatšhaba
Thekenolotši ya Dipolelo tša Batho ya Gare
Dikgokagano tša Thekenolotši ya Polelo
Dikgokagano tša Yuropa tša Bokgoni ka go Thekenolotši ya Dipolelo tša Batho
Pegotlhalošo e dirilwe go khuduthamaga ya Lekgotla la Dipolelo ka moka la Afrika Borwa ka la 15 Fepereware 2002. Pegotlhalošo e fa mohlala wa bokgathatema bjo bo akantšwego bja Diyuniti tša Tlhamopukuntšu tša Bosetšhaba ka go tšweletšo ya Thekenolotši ya Dipolelo tša Batho mono Afrika Borwa.
Dikgopolo le dikgokagano
Dikgopolo go tšwa go mahlakore a fe goba a fe ao a nago le kgahlego di amogelegile.
